Падзеі

«Пакаянне, пакаянне, пакаянне...»
13.04.2023
Гэтыя словы анёла з Трэцяй Фацімскай таямніцы гучалі 1 красавіка, у першую суботу месяца, у Будславе падчас Фацімскага Ружанца. І гэты матыў усё мацней гучыць у сэрцы, калі глядзіш на тое, як чалавецтва ахопліваюць розныя цяжкія выпрабаванні.
Віншуем з урачыстасцю Уваскрасення Пана!
08.04.2023
У гэтыя вясновыя дні вішнуем вас, дарагія чытачы, з радаснай урачыстасцю Уваскрасення Пана і жадаем, каб дзякуючы Яму вашае жыццё сапраўды напоўнілася спакоем, каб вы заўсёды адчувалі клапатлівую апеку Найсвяцейшай Панны Марыі, якая ў момант памірання Хрыста на крыжы стала і нашаю Маці, каб вам хапала духоўных і фізічных сілаў, натхнення і часу на самыя галоўныя рэчы ў свеце — на тое, каб дарыць любоў і прымаць яе! Хрыстус уваскрос! Сапраўды ўваскрос!
«Я даю табе тры спосабы ажыццяўлення міласэрнасці…». Па старонках красавіцкага нумара «Ave Maria»
08.04.2023 | № 4 | 2023
«Я даю табе тры спосабы ажыццяўлення міласэрнасці да бліжніх, — сказаў Езус святой Фаўстыне Кавальскай, — першы — учынак, другі — слова, трэці — малітва», — гэты наказ нагадала чытачам часопіса «Ave Maria» рэдактар Крыстына Лялько ў сваіх успамінах пра карпатлівую і няпростую працу над перакладам «Дзённіка» сястры Фаўстыны на беларускую мову (артыкул «Міласэрнасць — гэта квет любові»). І можна з упэўненасцю сцвярджаць, што гэты новы, чацвёрты выпуск часопіса прысвечаны менавіта згаданым тром спосабам праяўлення міласэрнасці, якія даў нам Езус.
Віншуем Мітрапаліта Мінска-Магілёўскага арцыбіскупа Юзафа Станеўскага з Днём нараджэння!
04.04.2023
Ваша Эксцэленцыя, глыбокапаважаны ксёндз арцыбіскуп Юзаф! Прыміце нашы сардэчныя віншаванні з Днём нараджэння. Мы дзякуем Богу за бясцэнны дар Вашага паклікання, а Вам самім — за клапатлівую апеку над вернікамі. Няхай Хрыстус Пан будзе ветразем у тым чаўне веры, якім Вы кіруеце. Шчыра жадаем Вам сілы, здароўя, Божай ласкі, Божага благаслаўлення і апекі Найсвяцейшай Панны Марыі на далейшае служэнне.
Віншаванне Мітрапаліту арцыбіскупу Юзафу Станеўскаму з днём імянінаў
20.03.2023
Ваша Эксцэленцыя, шаноўны арцыбіскуп Юзаф! Сардэчна віншуем Вас з днём Вашага Нябеснага Апекуна. Няхай святы Юзаф дапамагае Вам быць такім жа мужным, адважным, руплівым, добрым і міласэрным у Вашым пастырскім служэнні. Вядзіце даручаную Вам сям’ю вернікаў нашай краіны так, як вёў Святую Сям’ю Ваш Нябесны Апякун. Зычым Вам моцнага здароўя, радасці, шчодрых дароў Духа Святога, сілы і энергіі на доўгія і шчаслівыя гады Вашага служэння Богу і людзям.
Віншуем біскупа Алега Буткевіча з Днём нараджэння!
18.03.2023
Ваша Эксцэленцыя, шаноўны біскуп Алег, сардэчна віншуем Вас з Днём нараджэння! Жадаем Вам моцнага здароўя, шчодрых дароў Духа Святога, як найбольш святла і радасці, нястомнай апекі Марыі і заступніцтва св. Кірыла Ерузалемскага, апекуна Вашага дня! Няхай стае Вам энергіі і сілы для далейшага ахвярнага служэння!
Выйшаў з друку новы нумар часопіса «Наша вера»
16.03.2023
Выйшаў новы, першы ў гэтым годзе, нумар часопіса «Наша вера», аўтары якога — мастацтвазнаўцы, гісторыкі, паэты, мастакі і літаратуразнаўцы. Запрашаем набываць нумар у парафіяльных кіёсках і бліжэй пазнаёміцца са зместам часопіса.
Спачуванне з прычыны адыходу ў вечнасць мамы арцыбіскупа Юзафа Станеўскага
12.03.2023
10 сакавіка ва ўзросце 84-х гадоў адышла ў вечнасць Гэлена Станеўская, мама Мітрапаліта Мінска Магілёўскага арцыбіскупа Юзафа Станеўскага.
Засталася праўда...
08.03.2023
Гэткімі словамі можна апісаць уражанне, што пакінула пасля сябе сцэнічнае ўвасабленне Крыжовага шляху, паказанае нядаўна пасля нядзельнай святой Імшы ў віцебскім катэдральным касцёле Езуса Міласэрнага драматычным моладзевым калектывам парафіі святога Антонія.
«Сям’я бярэ пачатак у любові». Па старонках сакавіцкага нумара часопіса «Ave Maria»
06.03.2023
Служэнню сям’і Касцёл заўсёды аддаваў шмат увагі і намаганняў. Таму новы нумар часопіса ў гэтым годзе, прысвечаным у Касцёле апостальству свецкіх, мы прысвяцілі руху сямейнай духоўнасці Equipes Notre-Dame (Суполкі Маці Божай), які быў заснаваны ў Францыі ў 1939 годзе, а ў Беларусі дзейнічае з 2004 года.
Адбылася сустрэча з аўтарамі і складальнікамі кнігі “Мяне заўсёды ратавала вера…”
06.03.2023
5 сакавіка ў Хрысціянскім Сацыяльным Цэнтры адбылася сустрэча з аўтарамі і складальнікамі кнігі “Мяне заўсёды ратавала вера…” – арцыбіскупам Тадэвушам Кандрусевічам, Алінай Новікавай і Крыстынай Лялько.
Адышоў у вечнасць ксёндз канонік Дзмітрый Барыла
28.02.2023
Курыя Мінска-Магілёўскай архідыяцэзіі са смуткам паведамляе, што 28 лютага на 49-м годзе жыцця і 24-м годзе святарскага служэння адышоў па вечную ўзнагароду да Пана ксёндз канонік Дзмітрый Барыла, пробашч парафіі Маці Божай Ружанцовай і святога Дамініка ў мястэчку Ракаў і дэкан Валожынскага дэканата.
Падчас Вялікага посту ў Мінску будуць адбывацца стацыйныя набажэнствы Песень жальбы
26.02.2023
Сёлета падчас Вялікага посту, які ў Каталіцкім Касцёле распачаўся 22 лютага, у Мінску аднаўляецца традыцыя велікапосных стацыйных набажэнстваў, якія будуць адбывацца ў розных касцёлах сталіцы.
Пасланне Святога Айца Францішка на Вялікі пост 2023
21.02.2023
Велікапоснай аскезе і сінадальнаму шляху прысвечана сёлетняе Пасланне Святога Айца Папы Францішка на Вялікі пост, які распачынаецца 22 лютага.
Ва ўспамін благаслаўлёнага Міхала Сапоцькі распачынаецца навэнна малітвы аб заканчэнні вайны ва Украіне
15.02.2023
15 лютага распачынаецца навэнна малітвы ў інтэнцыі заканчэнні вайны і ўсталяванні справядлівага міру ва Украіне. Яна завершыцца 24 лютага малітоўным чуваннем і святой Імшой ва Усеўкраінскім санктуарыі Маці Божай Шкаплернай у Бярдычаве.

Мы вельмі радыя
бачыць вас на сайце
часопіса «Ave Maria».
Гэта плён працы
неабыякавых людзей,
якія з радасцю ствараюць
гэты часопіс для вас.

Падпіска
Ахвяраванні

Сайт часопіса „Ave Maria“ Мінска-Магілёўскай архідыяцэзіі Рыма-каталіцкага Касцёла ў Беларусі

Часопіс існуе дзякуючы вашым ахвяраванням. Сёння мы просім вашай дапамогі — нават невялікая сума падтрымае нас.

Падрабязней