2015 кастрычнік-снежань

Праз далучанасць да культуры
30.12.2015
Католікі Віцебшчыны ўжо шмат год запар становяцца ўдзельнікамі і сведкамі Дзён хрысціянскай культуры, якія ладзяцца ў дыяцэзіі ў перыяд перажывання свята Божага Нараджэння. Спатканні,  выступленні прафесійных і самадзейных музычных і тэатральных калектываў, спеўных гуртоў, канферэнцыі, конкурсы — усё гэта звыклыя імпрэзы, што дэманструюць  творчыя набыткі жыхароў Прыдзвіння, а разам з тым сведчаць пра далучанасць да іх вернікаў рэгіёна.
Апека і павага
26.12.2015
Нядзеля ў актаве Нараджэння Пана. Свята Святой Сям'і: Езуса, Марыі і Юзафа, год С (27.12.2015). Сёння разам з айцом дамініканінам Міхалам Ермашкевічам OP мы разважаем пра спрадвечнае пытанне адносінаў паміж бацькамі і дзецьмі, прыклад якіх дае нам Святая Сям’я.
Радасная таямніца
18.12.2015
Чацвёртая нядзеля Адвэнту, год С  (20.12.2015).  Сёння разам з айцом дамініканінам Паўлам Мажэйкам OP мы разважаем пра радасць Божых таямніцаў, якія вабяць чалавека адкрыць іх і праз іх наблізіцца да іх спрадвечнага Стварыцеля. 
«Данесці да людзей сапраўднае…»
17.12.2015
14 снежня адбылася значная падзея для беларускай музычнай і духоўнай культуры. У праграме перадкаляднага канцэрта «Нябеснае нараджэнне» ў выкананні саліста Льва Казакевіча, навучэнца гімназіі-каледжа пры Акадэміі музыкі, і студэнцкага хору Беларускай дзяржаўнай акадэміі музыкі пад кіраўніцтвам Інэсы Бадзякі прагучала прэм’ера «Месы до-мажор для хору a'cappella і саліста-дысканта» аўтарства маладога беларускага кампазітара Андрэя Саўрыцкага. 
«Да пабачэння, Беларусь!»
16.12.2015
У гэтыя дні Адвэнту завяршылася чатырохгадовае служэнне арцыбіскупа Клаўдыё Гуджэроцці ў Беларусі. За гэты час ён стаў сапраўды блізкім усім нам, настолькі глыбока ён імкнуўся зразумець беларускіх вернікаў у кантэксце нашай гісторыі і культуры. Падчас развітальнай святой Імшы, якая адбылася ў архікатэдральным касцёле імя НПМ у Мінску, ён засведчыў, што з вялікім болем у сэрцы пакідае Беларусь.
Будзьма міласэрнымі, як Айцец
16.12.2015
У Каталіцкім Касцёле важная падзея: распачаўся Надзвычайны Юбілейны Год Міласэрнасці пад дэвізам «Міласэрныя, як Айцец». Упершыню Святыя Дзверы, Брамы Міласэрнасці, адчыніліся не толькі ў чатырох рымскіх базыліках, але і ў касцёлах ва ўсім свеце.
Святыя Дзверы
16.12.2015
Нягледзячы на тое, што Святы Год упершыню святкаваўся ў 1300 годзе, першы раз Святыя Дзверы былі адчыненыя толькі ў 1423 годзе ў базыліцы св. Яна на Латэране.
Простыя словы
13.12.2015
Трэцяя нядзеля Адвэнту, год С (13.12.2015). Сёння разам з айцом дамініканінам Крыштафам Коц’янам OP мы разважаем пра тое, як складана можа быць выканаць самыя простыя патрабаванні і ўмовы, і пра тое, як нашыя шчырыя намаганні, якімі б нязначнымі яны ні здаваліся, могуць прывесці нас да сапраўды вялікага.
У чым знайсці радасць?
10.12.2015
Па старонках снежаньскага нумара часопіса «Ave Maria»  У гэтую туманную, халодную пару, калі наперадзе яшчэ ўся зіма, калі выходзіш і прыходзіш дадому зацемна, нам так не хапае сапраўднай радасці. Прычынаў, як звычайна, шмат: дэпрэсія і расчараванні, адсутнасць грошай або непаразуменні з сябрамі… Святы наперадзе, а «святочнага настрою няма», як часта даводзіцца чуць ад знаёмых. Таму нездарма ў снежаньскім выпуску часопіса «Ave Maria» так шмат гаворыцца пра міласэрнасць, да якой нас заклікае і папа Францішак у гэты Юбілейны Год, і сам Пан Бог яшчэ са спрадвечных часоў. 
Самая уплывовая Жанчына ў свеце
10.12.2015
Амерыканскі часопіс « National Geografic » назваў найбольш уплывовую жанчыну ў свеце. Ёю з’яўляецца Маці Езуса — Марыя. 
«Я прыйду як Валадар Міласэрнасці»
27.11.2015
Першая нядзеля Адвэнту, год С (29.11.2015).  Сення, на пачатку Надзвычайнага Года Міласэрнасці, разам з айцом дамініканінам Раманам Шульцам OP мы разважаем пра тую міласэрнасць, якую мы здольныя аказаць людзям вакол нас, і пра тое, як гэта паўплывае на нашае ўласнае жыццё.
«Валадарства Маё не з гэтага свету»
21.11.2015
Урачыстасць Пана Нашага Езуса Хрыста, Валадара Сусвету, Год В  (22.11.2015).  Сёння, ва Ўрачыстасць Пана Нашага Езуса Хрыста, Валадара Сусвету, разам з айцом Міхалам Ермашкевічам OP мы разважаем, пра якое Валадарства кажа Хрыстус у Евангеллі, і спрабуем навучыцца адрозніваць тое, што найважнейшае ў нашым жыцці.
Дзесяць цудаў генерала
19.11.2015
У Год Міласэрнасці вельмі актуальным будзе артыкул Эвы К. Чачкоўскай «Дзесяць цудаў генерала» пра Януша Брохвіча-Лявінскага. Падчас складаных перапетыяў лёсу вайсковец (цяпер ужо 95-гадовы чалавек) моцна верыў і верыць у апеку Езуса Міласэрнага і заўсёды трымае пры сабе абразок з Яго выяваю. 
У чаканні Божага суду
19.11.2015
Гэтая легенда пра пабожнага Якуба, які быў здзіўлены пытаннем на Божым судзе, заўсёды актуальная для нас, хрысціянаў. Паміраючы, гэты чалавек не баяўся спаткацца з Богам. Быў пабожны, часта хадзіў на святыя Імшы, нават у буднія дні. Не быў залежны ад алкаголю і тытуню. Дапамагаў касцёлу матэрыяльнай ахвярай, у канцы жыцця належаў да кола «Жывога Ружанца», насіў цудоўны медалік, а перад фігурай Маці Божай рабіў знак крыжа. Не саромеўся сваёй веры, не краў, не сведчыў фальшыва, не грашыў чужалоствам. Ён меў павагу ў людзей, быў каханы і шанаваны. Пералік цнотаў і заслугаў Якубавых быў дастаткова доўгім і даваў упэўненасць у тым, што Бог будзе ім задаволены. «Калі ж Пан запытаецца пра нешта, — думаў Якуб, — я буду выглядаць у добрым святле». Напэўна, ён не з’яўляецца святым, але стараўся жыць паводле Божых прыказанняў. Чытаў рэлігіўныя кнігі, маліўся  шмат навэннаў, адна з якіх была нават «вялікай».
СВЯТЛО ЯДНАННЯ
19.11.2015
12 лістапада ў галоўнай віцебскай святыні — катэдральным касцёле Езуса Міласэрнага — адбылася  супольная літургія вернікаў і душпастыраў парафій грэка-каталіцкага і каталіцкага абрадаў, прымеркаваная да ўрачыстасці святога Язафата.  Службу паводле ўсходняй традыцыі ў гонар Язафата Кунцэвіча, які з’яўляецца нябесным Апекуном Віцебскай дыяцэзіі, цэлебравалі кіраўнік грэка-каталіцкай парафіі Уваскрасення Хрыстова а. Зміцер Грышан, а. Аляксандр Шыбека і а. Аляксандр Шаўцоў, дыякан Аляксей Варанко. Прыгожая літургія на ўспамін колішняга біскупа Віцебскага, а пазней — арцыбіскупа Полацкага, абраз якога ад нядаўняга часу ўпрыгожвае будынак катэдры, сталася сведчаннем і адзінства касцёла, і яднання вернікаў. 

Мы вельмі радыя
бачыць вас на сайце
часопіса «Ave Maria».
Гэта плён працы
неабыякавых людзей,
якія з радасцю ствараюць
гэты часопіс для вас.

Падпіска
Ахвяраванні

Сайт часопіса „Ave Maria“ Мінска-Магілёўскай архідыяцэзіі Рыма-каталіцкага Касцёла ў Беларусі

Часопіс існуе дзякуючы вашым ахвяраванням. Сёння мы просім вашай дапамогі — нават невялікая сума падтрымае нас.

Падрабязней