З прывітальнага ліста кардынала Казіміра Свёнтка да ўдзельнікаў юбілейнай урачыстасці ў мінскай архікатэдры, які Яго Эмінэнцыя даслаў са шпіталя

З прывітальнага ліста кардынала Казіміра Свёнтка да ўдзельнікаў юбілейнай урачыстасці ў мінскай архікатэдры, які Яго Эмінэнцыя даслаў са шпіталя


<...> Здалёк я бачу мінскую даў­нейшую і цяперашнюю архікатэдру. Бачу катэдру з часоў Слугі Божага Зыгмунта Лазінскага. Бачу тую, з якой Езусу Эўхарыстычнаму і Яго вернаму слузе сказалі: «Ідзіце прэч! Няма тут для вас месца!»

Я бачу спустошаны ін­тэр’ер катэдры, па-варварску пры­стасаваны для свецкіх мэтаў. 

Я бачу прымацаваную да фасада катэдры пабудову, узведзеную для таго, каб за­крыць знак прысутнасці Бо­га сярод жыхароў сталіцы. Бачу групу вернікаў, якія разам са святаром моляцца на прыступках гэтай будынка, іх малітва  пранізвае сцены, каб яны разбурыліся, каб паказалася боска-чалавечая рэчаіснасць — святыня!

І сталася тое, чаго так моц­на прагнулі жыхары гэтай зям­лі, ахрышчаныя ў імя Най­свяцейшай Тройцы. Радуйцеся! Праслаўляйце Бо­жы Про­від! Спявайце Te De­um — «Цябе, Бога, пра­слаўляем, Табе, Пане, хвала вечна...»

Здалёк я бачу архікатэдру ў яе цяперашняй прыгажосці, якая адноўленая на ўзор даўнейшай святыні з дапамогаю сродкаў, што ня­се сучаснае дабро цывілізацыі, каб служыць таксама наступным пакаленням.

Я бачу архікатэдру як знак і сімвал аднаўлення Касцёла і грамадства Беларусі ў Хрысце <...>

 {gallery}188-2{/gallery}

Мы вельмі радыя
бачыць вас на сайце
часопіса «Ave Maria».
Гэта плён працы
неабыякавых людзей,
якія з радасцю ствараюць
гэты часопіс для вас.

Падпіска
Ахвяраванні

Сайт часопіса „Ave Maria“ Мінска-Магілёўскай архідыяцэзіі Рыма-каталіцкага Касцёла ў Беларусі

Часопіс існуе дзякуючы вашым ахвяраванням. Сёння мы просім вашай дапамогі — нават невялікая сума падтрымае нас.

Падрабязней