Святыя і благаслаўлёныя

Пяцьдзясят памочнікаў у нягодах. Святая Тэрэза з Лізьё.

03.05.2013 | № 5 (218) 2013

Св. Тэрэзу з Лізьё называюць «Малой» Тэрэзай у адрозненне ад Тэрэзы Вялікай з Авіла. Нехта можа яе не ўспрымаць, лічыць сентыментальнай, заціснутай у старых формах пабожнасці. На самай справе гэтая маладая дзяўчына мела адвагу, каб зламаць усе духоўныя рамкі, якімі яе хацелі абмежаваць, і пайсці сваім уласным шляхам — быць як дзіця.

Святы Францішак

06.04.2013 | № 10 (223) 2013

Біёграфы згодныя ў тым, што, напэўна, ні адзін са святых не спрыяе так ззянню вобраза Хрыста ў гэтым свеце, як св. Францішак

«Маё Безаганнае Сэрца будзе тваім прытулкам...» Практыка прысвячэння сябе Марыі

06.04.2013 | № 10 (223) 2013

Практыка прысвячэння сябе Марыі — аддання Багародзіцы ўласнай волі, сэрца, розуму, заслугаў і ўвогуле ўсёй сваёй уласнасці — вядомая з VII стагоддзя. Аднак прайшло цэлае тысячагоддзе, пакуль яна з увасаблення пабожнасці асобных людзей і згуртаванняў ператварылася ў шлях да святасці. Дарэчы, прысвячэнне народа і дзяржавы Сэрцу Езуса і Марыі павінна мець не толькі прыватны, але і грамадска-палітычны характар. У сваім палкім прагненні навяртання душаў Сэрца пажадала быць у асаблівай пашане не толькі ў паспалітага люду, але ў элітаў, якія ўласным прыкладам і ўплывам маглі б спрыяць пашырэнню і паглыбленню веры і цнотаў ва ўсім народзе.

Пяцьдзясят памочнікаў у нягодах. Святы Блажэй.

29.03.2013 | № 1-2 (214-215) 2013

Ідзі скрозь свой страх У Танзаніі, дзе працуюць святары з нашага ордэну, калі адзначаецца ўспамін св. Блажэя і веруючым удзяляецца асаблівае благаслаўленне, касцёл перапоўнены хрысціянамі. Але таксама шмат мусульманаў прыходзяць у гэты дзень, 3 лютага, у каталіцкі касцёл. Відавочна, што людзі шукаюць Божага благаслаўлення менавіта тады, калі ім пагражае хвароба.

Пяцьдзясят памочнікаў у нягодах. Святы Філіп Нэры

15.03.2013 | № 5 (206) 2012

Смейся, будзь вясёлым і свабодным Філіп Нэры нарадзіўся ў 1515 годзе ў Фларэнцыі, у сям’і натарыуса. Філіп быў вельмі адораным маладым чалавекам і з вялікім задавальненнем займаўся паэтычнай творчасцю і музыкай, а дамінікане з кляштара Сан-Марка пазнаёмілі яго з тым, што складае сутнасць рэлігіі. Адзін са сваякоў, бяздзетны дзядзька, узяў Філіпа да сябе, каб навучыць яго гандлярскай справе. Але Філіп даволі хутка зразумеў, што ён для гэтага непрыдатны. Юнак адмовіўся ад спадчыны, што належала яму ў будучыні, і, не маючы ніякіх сродкаў, вырушыў у Рым. Там Філіп сустрэў свайго земляка, барона Каччыа, які выдзеліў яму пакойчык у мансардзе і даверыў выхаванне сваіх дзяцей. Гэтая праца пакідала Філіпу даволі часу, каб вандраваць па вуліцах Рыма. Цэлыя ночы ён праводзіў у катакомбах. Там, у гэтым памятным месцы першых хрысціянаў, Філіп пранікся духам старажытнага Касцёла.

Пяцьдзясят памочнікаў у нягодах. Святы Юрый

15.03.2013 | № 4 (205) 2012

Будзь непахісным — ты маеш сілу абараніць сябе Святы Юрый з’яўляецца апекуном следапытаў і скаўтаў. Яны ўшаноўваюць яго, бо ён дае ім сваім жыццём прыклад таго, як верна і з чыстым сэрцам выконваць даручаную ім службу. Гэтага святога вельмі высока цэняць у Англіі (там ён ушаноўваецца як св. Джордж. — І. Б. ), ва ўсходнім хрысціянстве таксама вядома шмат іконаў з выяваю св. Юрыя (св. Георгія Пераможцы. — І. Б. ). Святы Юрый быў рымскім афіцэрам у час уладарання імператара Дыяклетыяна. Ён меў высокае воінскае званне і вызначаўся адвагаю. Калі Дыяклетыян аддаў загад пераследаваць хрысціянаў, Юрый запярэчыў імператару і кінуў яму ў твар рэзкі папрок. Імператар загадаў закаваць Юрыя ў ланцугі і падвергнуць катаванню. Але чым больш жорсткімі былі катаванні, тым больш спакойным і непахісным станавіўся Юрый. Ягоныя раны загойваліся цудоўным чынам, таму што сам Бог уначы дапамагаў яму. Імператар вымушаны быў прызнаць, што так ён не зможа ўзяць верх над сваім афіцэрам. Тады Дыяклетыян загадаў ссячы яму галаву. Праваслаўныя называюць гэтага святога велікамучанікам, таму што ён перанёс тысячу смерцяў адну за адной. Успамін св. Юрыя адзначаецца 23 красавіка.

Пяцьдзясят памочнікаў у нягодах. Святы Себасцьян

14.03.2013 | № 1-2 (202-203) 2012

Павер у сваю недатыкальнасць Імя Себасцьян азначае «ўзвялічаны». Святы Себасцьян —раннехрысціянскі мучанік, выявы якога мы сустракаем найчасцей. Ужо з VII стагоддзя гэтага святога ўшаноўвалі як заступніка ад чумы. Стрэлы, што яго зранілі, лічыліся ў народзе вобразам тых стрэлаў, якія анёл чумы пускае ў людзей. Толькі ў ХIV стагоддзі святога Себасцьяна замяніў Рох, які з таго часу лічыцца заступнікам ад чумы. На выявах святога Себасцьяна мы бачым маладога, часам толькі ў салдацкіх ботах, прывязанага да дрэва мужчыну, цела якога пранізана стрэламі. Яго ўспамін адзначаецца 20 студзеня.

Пяцьдзясят памочнікаў у нягодах

14.03.2013 | № 1-2 (202-203) 2012

Святыя памочнікі У кастрычніку 2012 г. у Каталіцкім Касцёле пачынаецца абвешчаны Святым Айцом Бэнэдыктам XVI Год веры, у рамках падрыхтоўкі да якога прапануем нашым чытачам новую рубрыку «Святыя памочнікі». Тут мы будзем друкаваць нататкі пра святых з кнігі Анзэльма Груна «Пяцьдзясят памочнікаў у нягодах». Спадзяёмся, што разважанні сусветна вядомага духоўнага аўтара, тэолага, дарадчыка па пытаннях духоўнага і псіхічнага жыцця, манаха бэнэдыктынца дапамогуць наблізіцца да таямніцы «еднасці святых», якую мы вызнаём у Сімвале веры, і адкрыць свае сэрцы на Бога і Ягоную любоў да чалавека, сведкамі якой з’яўляюцца святыя.

Сябры Божыя

14.03.2013 | № 8 (209) 2012

Прадстаўляем вашай увазе ўрыўкі з кнігі святога Хосэ Марыя Эскрывы «Сябры Божыя». Святы Хосэ Марыя Эскрыва — аўтар шматлікіх духоўных твораў, перакладзеных на розныя мовы свету, сярод якіх: «Шлях» (1939), «Святы Ружанец» (1934), «Сябры Божыя» (1977), «Хрыстус праходзіць побач» (1973), «Кузня» (1988), «Баразна» (1986) і інш. Урыўкі 61-62

З «Дзённіка». Апостальскае жыццё

14.03.2013 | № 1-2 (202-203) 2012

Свой «Дзённік» святая сястра Фаўстына Кавальская пісала на працягу чатырох апошніх гадоў жыцця (1934–1938 гг.). Гэтую сціплую законніцу з Кангрэгацыі Маці Божай Міласэрнасці выбраў Езус, каб праз яе перадаць Касцёлу і ўсяму свету сваё самае важнае пасланне, каб нагадаць у ім біблійную праўду пра сваю міласэрную любоў да кожнага чалавека і ўсяго стварэння. Сшытак першы, 346-351

Даручэнне сябе Беззаганнай

14.03.2013 | № 8 (209) 2012

Усе ўшанавальнікі Беззаганнай прагнулі належаць Ёй і рознымі словамі гэта выказвалі. Быць Яе слугою, быць Яе дзіцем, Яе нявольнікам — гэтыя і падобныя да іх ідэалы асвятлялі ім жыццёвы шлях. Аднак усе прагнулі належаць Ёй найпаўней і, несумненна, хацелі б карыстацца ўсімі тытуламі, якія хто-небудзь прыдумаў або чыя-небудзь любоў была б здольная прыдумаць у будучыні. Адным словам — належаць Ёй, бязмежна належаць Ёй — вось светач жыцця для многіх, многіх сэрцаў (VII, 1191).

Пяцьдзясят памочнікаў у нягодах. Святая Цэцылія

07.03.2013 | № 11 (212) 2012

Успамін св. Цэцыліі адзначаецца 22 лістапада . Цэцылія лічыцца апякункаю касцёльнай музыкі, але яна не мела дачынення да музыкі, якая выконвалася на інструментах. Яна, хутчэй, прыслухоўвалася да нячутнай музыкі, што загучала ў ёй дзякуючы Хрысту, — музыкі Божай любові, музыкі, якая нячутнае робіць чутным і адчыняе акно ў неба. Кожная сапраўдная музыка не толькі цешыць сэрца, але і дазваляе загучаць нячутнаму.

З «Дзённіка». «О Святая Тройца, дай душам спасцігнуць сябе»

04.03.2013 | № 11 (212) 2012

Даручэнне сябе Беззаганнай

27.02.2013 | № 11 (212) 2012

Падрыхтуемся да таго, што спакусы будуць і павінны быць; калі б іх не было, не было б і заслугаў. Нам толькі трэба змагацца з імі і з дапамогаю Беззаганнай перамагаць.

Пяцьдзясят памочнікаў у нягодах. Святая Вераніка

23.02.2013

Гістарычных звестак пра св. Вераніку мы не ведаем. Але легенды, якія пра яе апавядаюць, бяруць свой пачатак з першых гадоў Касцёла. Ужо ў IV стагоддзі яе шанавалі як святую. Успамін св. Веранікі адзначаецца 4 лютага. Імя «Вераніка» азначае «сапраўдны вобраз». Паводле легенды, св. Вераніка была той жанчынаю, якую Езус ацаліў ад крывацёку, такім чынам, гэта яна — тая жанчына, якая цалкам страціла ўсе магчымасці для таго, каб зведаць міласціну і любоў.