(паводле св. Яна Паўла ІІ)

Божа айцоў нашых, вялікі і міласэрны! Пан жыцця і спакою, Ойча ўсіх людзей! Тваёю воляю з’яўляецца мір і спакой, а не мучэнні. Спыні, просім, вайну і знішч пыху гвалтаўнікоў. Ты паслаў свайго Сына, Езуса Хрыста, каб абвяшчаць мір блізкім і далёкім, каб аб’яднаць людзей усіх рас і пакаленняў у адну сям’ю.

Пачуй, Божа, крык усіх сваіх дзяцей, пакутную просьбу ўсяго чалавецтва. Няхай больш не будзе вайны – злачыннай прыгоды, з якой няма вяртання, гэтага жахлівага хаосу змагання і гвалту. Учыні, наш Міласэрны Ойча, каб спынілася вайна (...), якая пагражае ўсім Тваім стварэнням – у небе, на зямлі і ў моры.

З Марыяй, Маці Езуса і нашай Маці, Цябе, наш Стварыцель, просім прамовіць да сэрцаў людзей, адказных за лёсы народаў. Знішч прагу адплаты і помсты, і праз Духа Святога дай новыя велікадушныя і высакародныя рашэнні ў дыялогу і спыненні жахлівай вайны. Амэн.

Святая Марыя, Каралева міру,
     маліся за нас.
Святы Міхале Арханёле,
     маліся за нас.
Святы Бэнэдыкт,
     маліся за нас.
Святыя Кірыл і Мятод,
     маліцеся за нас.
Святы Андрэй Баболя,
     маліся за нас.
Святая Тэрэза Бэнэдыкта ад Крыжа,
     маліся за нас.
Святая Кацярына Сіенская,
     маліся за нас.
Усе святыя і благаслаўлёныя мучанікі Каталіцкага Касцёла і Праваслаўнай Царквы,
     маліцеся за нас.

Тваёй абароне аддаемся, Святая Багародзіца, у нашых патрэбах не пагарджай маленнем нашым. І ад усялякай злой прыгоды выбаўляй нас заўсёды, Панна хвалебная і благаслаўлёная.

О Пані наша, Апякунка наша, Суцяшальніца наша, Ты Заступніца наша, з Сынам Сваім нас паяднай, Сыну свайму нас даручай, Сыну свайму нас аддавай. Амэн.