Рэфрэн: О Маці, Ты ведаеш нас усіх, не пакідай сваіх дзяцей, будзь для кожнага з нас прыкладам надзеі, вядзі нас па жыцці разам са сваім Сынам.
Выбраная сярод усіх жанчын, — прыйдзі і пакажы нам шлях.
Дачка Божага народу, — да свайго Сына нас прывядзі.
Пакорная Слуга, — спашлі свету супакой.
Рэфрэн.
Каралева сем’яў, — прыйдзі і пакажы нам шлях.
Дзева, узор сціпласці, — да свайго Сына нас прывядзі.
Абранніца цесляра, — спашлі свету супакой.
Рэфрэн.
Каралева нашага народу, — прыйдзі і пакажы нам шлях.
Надзея прыгнечаных, — да свайго Сына нас прывядзі.
Святло прагнучых праўды, — спашлі свету супакой.
Рэфрэн.
Суцяшэнне бедных, — прыйдзі і пакажы нам шлях.
Маці ўсялякай радасці, — да свайго Сына нас прывядзі.
Маці чулага сэрца, — спашлі свету супакой.
Рэфрэн.
Дзева, Маці Хрыста, — прыйдзі і пакажы нам шлях.
Дзева, Маці Касцёла, — да свайго Сына нас прывядзі.
Дзева, Маці ўсіх людзей, — спашлі свету супакой.
Рэфрэн.
Маці, якую даў нам Езус Хрыстус, — прыйдзі і пакажы нам шлях.
Маці, якая нас выслухоўвае, — да свайго Сына нас прывядзі.
Маці, якая заўсёды нас разумее, — спашлі свету супакой.
Рэфрэн.
Дзева, якая нястомна нас суправаджае, — прыйдзі і пакажы нам шлях.
Дзева, ясны Промень у гісторыі свету, — да свайго Сына нас прывядзі.
Дзева, найлепшая заступніца перад Богам, — спашлі свету супакой.
Рэфрэн.
Маці бяздомных і пакінутых, — прыйдзі і пакажы нам шлях.
Маці пераследаваных, — да свайго Сына нас прывядзі.
Маці пагарджаных і прыгнечаных, — спашлі свету супакой.
Рэфрэн.
Маці церпячых, — прыйдзі і пакажы нам шлях.
Маці, сэрца якой працяў меч, — да свайго Сына нас прывядзі.
Маці, якая стаяла пад крыжам Сына, — спашлі свету супакой.
Рэфрэн.
Маці, якая плача па нас, — прыйдзі і пакажы нам шлях.
Маці, якая засцерагае нас ад пакарання, — да свайго Сына нас прывядзі.
Маці, якая заўсёды чакае нас, — спашлі свету супакой.
Рэфрэн.
Малітва да Маці Божай аб прымірэнні
Валадарка наша, адзіная наша надзея! Просім Цябе, асвяці наш розум святлом Тваёй ласкі, ачысці яго ззяннем Тваёй чысціні, сагрэй яго цяплом Тваёй прысутнасці. Прыміры ўсіх нас з Тваім Сынам, каб мы былі годныя ўдзельнічаць у Яго хвале. Амэн.
Малітва да Маці Божай аб духоўным аздараўленні
Валадарка наша, Найсвяцейшая Панна Марыя! Просім Цябе дзеля Твайго Сына, якога Ты нарадзіла, застаўшыся Дзеваю, якога Ты спавіла ў пялёнкі і паклала ў яслі. Выпрасі ў Яго для нас прабачэнне, вылечы апёкі нашых душаў, атрыманыя ад агню граху, і загаі іх бальзамам Тваёй міласэрнасці. Амэн.
Малітва ахвяравання сябе Маці Божай
Маці Божая, Беззаганная Марыя! Табе прысвячаю цела і душу маю, усе малітвы і працу, радасць і цярпенні, усё, чым я ёсць, і ўсё, што я маю. Шчырым сэрцам аддаюся Табе ў няволю любові. Даю Табе поўную свабоду карыстацца мною дзеля выратавання людзей і дзеля дапамогі святому Касцёлу, Маці якога Ты з’яўляешся. Хачу з гэтага часу рабіць усё з Табою, праз Цябе і дзеля Цябе. Ведаю, што ўласнымі намаганнямі нічога не зраблю. Ты ж усё можаш па волі Сына Твайго і заўсёды перамагаеш. Апякунка верных, учыні, каб мая сям’я, парафія і ўся Айчына сталі сапраўдным Валадарствам Твайго Сына і Тваім Валадарствам. Амэн.
Надрукавана ў «Ave Maria» № 1-2, 2011 г.
