Паважаная рэдакцыя ча­сопіса «Ave Maria»!

Мы, вернікі мінскай пара­фіі святога Яна Хрысціцеля, а таксама шматлікія члены ма­літоўных супольнасцяў, хо­чам выказаць вялікую пашану і ўдзячнасць нашаму пробашчу ксяндзу дэкану Ігару Лашуку і павіншаваць яго з 45-годдзем з дня нараджэння.

Многія з нас памятаюць, як на пачатку снежня 1996 г. ксёндз Ігар, якога кардынал Казімір Свёнтэк прызначыў пробашчам нашай парафіі, распачынаў сваё служэнне ў Мінску. Парафія тады была нешматлікай — каля 30 вернікаў, якія маліліся спачатку ў невялікай хаце каля Чыжоўскага вадасховішча, потым — у арандаванай зале ЖЭСа ў Серабранцы. На нашых вачах парафія расла не толькі колькасна, але ўзмацнялася і развівалася духоўна.

Дзякуючы намаганням і нястомнай энергіі айца Ігара была ўзведзеная парафіяльная капліца, у якой з кожным годам павялічваецца супольнасць вернікаў, распачалася будова вялікай парафіяльнай святыні. Нягледзячы на вялікую зангажаванасць нашага пробашча ў будаўніцтве храма, ён нястомна клапоціцца пра належны ўзровень душпастырства вернікаў. У пара­фіі вядзецца вялікая праца па духоўна-маральным выхаванні дзяцей і моладзі, маладых сем’яў. Гэтаму спрыяе ство­раны па ініцыятыве ксян­дза Ігара моладзевы цэнтр, які з’яўляецца яскравым прыкладам клопату ай­цоў салезіянаў аб падрастаючым пакаленні.

Ксёндз Ігар актыўна са­дзейнічаў стварэнню малітоўных згуртаванняў, якія пра­цуюць пры нашай парафіі, — «Легіёну Марыі», руху «Маргарытка», «Маці ў малітве», Таварыства Маці Божай Апякункі добрай смерці, Апостальства дапамогі душам чыстцовым, руху «Адкрытыя сэрцы», «Сябры Марыі», Руху чыстых сэрцаў, супольнасці Адарацыі Найсвяцейшага Сэрца Езуса і прыхіль­нікаў Беззаганнага Сэрца Марыі, а таксама супольнасці аніматараў, міністрантаў, СМС (супольнасці маладых сем’яў), салезіянскіх супрацоўнікаў.

З Божай дапамогай, дзякуючы руплівасці і самаадданаму служэнню айца Ігара былі заснаваны парафіі св. Мацвея ў Раўбічах, Маці Божай Успамогі Хрысціянаў у в. Бараўляны, Святога Духа ў мінскім мікрараёне Чыжоўка, парафіі Божага Цела па вул. Ангар­скай.

Мы вельмі шчаслівыя, што ў асобе ксяндза Ігара маем адданага духоўніка, шчырага ў працы і ў малітве, які знаходзіць для кожнага добрае слова, вучыць быць сапраўднымі хрысціянамі. Дзякуючы служэнню ксяндза Ігара многія маладыя людзі знайшлі дарогу да Бога і знайшлі сэнс жыцця, узбагаціліся духоўна.

Мы шчыра ўдзячныя Пану Богу за тое, што ў нас працуе такі цудоўны святар, заўсёды адкрыты на людскія патрэбы. Наш пробашч мае вялікі душпастырскі аўтарытэт не толь­кі ў сваіх парафіянаў — часта да яго звяртаюцца вернікі і моладзь з іншых парафій Мін­ска, ведаючы, што ён ні­колі не адмовіць у сакрамэнце споведзі ці духоўнай размове, дапаможа ўбачыць вый­­сце, знойдзе патрэбныя словы для кожнага чалавека.

Дарагі наш айцец Ігар! Няхай добры Бог асвеціць шчодрымі ласкамі Ваш зямны шлях, адорыць моцным здароўем, спашле моц, натхненне, цярплівасць і вытрымку на доўгія гады Вашага пастырскага служэння дзеля ратавання людскіх душаў, каб, як Вы за­значылі ў адным са сваіх казанняў да моладзі, мы «здолелі ў паўсядзённасці нашага жыцця распазнаць сваё па­кліканне і рухацца да святас­ці, пераадолеўшы ў сабе грэх ляноты і раўнадушша».

З малітваю — удзячныя парафіяне і ўдзельнікі ўсіх рухаў і супольнасцяў.