Выйшаў новы нумар часопіса «Наша вера», аўтары якога — мастацтвазнаўцы, гісторыкі, тэолагі, мастакі і пісьменнікі. Запрашаем набываць нумар у парафіяльных кіёсках і бліжэй пазнаёміцца са зместам часопіса.
Гэты нумар распачынаецца віншавальным зваротам арцыбіскупа Тадэвуша Кандрусевіча да рэдакцыі часопіса з нагоды ягонага 25-годдзя.
У рубрыцы «Постаці» друкуецца арт. тэолага М. Пашук «Скарбніца святога Гераніма», у якім аўтарка апавядае пра духоўныя багацці, пакінутыя нам адным з вялікіх дактароў лацінскага Касцёла.
Да 70-годдзя Беларускай праграмы Ватыканскага радыё друкуюцца нататкі «Шляхам дзіваў і ўражанняў» (1934 г.) кс. П. Татарыновіча (заканчэнне).
Журналіст Я. Чапля прапануе ўвазе чытачоў урыўкі са сваіх гутарак з а. Ю. Пятушкам МІС пад назваю «Апосталамі не нараджаюцца».
У перакладзе з польскай мовы Ю. Шэдзько змешчана інтэрв’ю «Брамы для злога духа», у якім кс. Т. Мацьковяк і кс. А. Кабылінскі разважаюць пра штодзённыя пасткі д’ябла.
Вядомы даследчык літаратуры Я. Янушкевіч у эсэ «Дырыжор Скарыназнаўства» ацэньвае плённую шматгадовую працу лацініста А. Жлуткі.
200-годдзю ўтварэння Таварыства філаматаў і філарэтаў прысвечаны арт. літаратуразнаўцы І. Багдановіч «Багіні вы нашы і пані...»
Да юбілею У. Караткевіча прымеркаваны арт. Я. Янушкевіча «Рэмбрант беларускай літаратуры».
У арт. «Наш сціплы касцёлак...» мастацтвазнаўца Н. Усава разважае пра творчасць Ф. Рушчыца. Тут жа пад назваю «Таямніца залакаванай бутэлькі» друкуецца новая інфармацыя пра слыннага мастака ў перакладзе з польскай мовы А. Макарэвіч.
У рубрыцы «Паэзія» ўпершыню друкуюцца вершы літаратуразнаўцы, медыявіста У. Кароткага.
Перакладчыца А. Сямёнава-Герцаг у сваім інтэрв’ю з вядомаю аўстр. пісьменніцаю Л. М.-Скуманц знаёміць чытачоў з асаблівасцямі яе творчага шляху.
Л. Камінская прэзентуе чытачам новую кнігу Д. Бічэль «Азерца, поўнае слёз».
Журналіст П. Васілеўскі ў эсэ «Я, на жаль, аказаўся вельмі актуальным мастаком...» разважае пра творчасць А. Дубініна
Набыць часопіс можна:
- у парафіяльных кіёсках і пробашчаў парафій;
- у кіёску архікатэдральнага касцёла ў Мінску.
